Karl Heinrich Marx riegádii miessemánu 5. beaivvi 1818 Trier-nammasaš gávpogis Preussenis (dálá Duiskkas) ja jámii njukčamánu 14. beaivvi 1883, Londonis (Stuorrabritánnias). Marx lei nationálaekonoma, filosofa, journalista, historjádutki ja okta dain olbmuin geat vuođđudedje sosiologiija. Muhtun oasit Marxa teoriijain ráhkadii maŋŋelis dan dieđa mii gohčoduvvo marxisman. Marxa dovdoseamos bargu lea girjjáš ''Manifest der kommunistischen Partei'' (sámegillii: Kommunisttalaš bellodaga manifeasta) ja dat mii vissa lea mearkkašan eanemus lea su girji ''Das Kapital'' (sámegillii: Kapitála). Marx ja su teoriijat lávejit boktit máŋggalágan oaiviliid olbmuin.
Wikipedia buvttadan
